අද ලෝකය දෙස බැලූ කල අපට දැකගත හැකි වන්නේ දරුණු දේශපාලනික හා යුධමය අර්බුධයකි. අර්බුධය යන්න නිර්වචනය කරනවානම් ඒ වනාහී ඉකමනින් විසඳුම් සෙවිය යුතු එමෙන්ම විසඳුම් සෙවීම ඉතාම අපහසු බරපතල ගැටලුවකි. මූලිකවම අර්බුධයකට විසඳුමක් ඉදිරිපත් කිරීමට පෙර අර්බුධයේ මූලය සෙවීම කාලෝචිත වේ. ලෝකය වෙලාගත් මේ දේශපාලනික අස්ථාවරත්වයට මැදපෙරදිග කලාපය හා සංකෙන්ද්‍රනය වී ඇති බව මතුපිටින් පෙනුනත් රීට ගැඹුරින් මුලු ලෝකයටම බලපෑම් ඇතිකල හැකි මට්ටමටම ලඟාවි ඇත.
අර්බුධයේ මූලය ලෙස බටහිර යටත්විජිතවාදය හඳුන්වා දිය හැක. බටහිර වනාහී යුරෝපීය, උතුරු ඇමරිකානු හා ඕශනියානු රටවල් පමනක් නොව එම රටවල් හා බැඳී තිබෙන සමාජ ආර්ථික කරුණු වේ. මූලිකවම කිවහොත් බටහිර දර්ශනය මුලු ලෝක්යම විනාශ්ය කරා ගෙනයාමට අඩිතාලම දමයි.
මිනිසාගේ පරිනාමයේ සිට මධ්යකාලීය යුගය දක්වා ලෝකයේ විවිධ අධිරාජ්ය, පාලන තන්ත්‍ර ගොඩනැගී තිබුනද ඒවා මුලු ලෝකයේ ජීවන රටාව කෙරෙහි කල බලපෑම ඉතාම අල්පය. රෝමවරුන්, ග්‍රීකයන් මෙන්ම අතීත චීන ජනයාද තම තමන්ගේ සංස්කෘතියට ආවේනික ආකාරයට තම ජීවන රටාව ගෙන ගියා මිස ගෝලීය සංස්කෘතියක් තිබී නැත. නමුත් මේ සියල්ල නාවික ගමනාගමනය හා තාක්ෂණයේ දියුනුවත් සමගම වෙනස් විය. ලෝකයේ සුපිරි බලවතුන් බිහිවන්නට වූ අතර ලෝකය පාලනය කිරීම සඳහා තරඟයක් ඇතිවිය.
මෙසේ සටනට අවතීර්ණ වූ සියලුම රටවල් යුරෝපා මහද්වීපයට අයිති රටවල් වේ. ලෝකයේ අධිරාජ්ය සෑදීම යුරෝපා ජාතීන්ට පමණක් සීමාවූ එකක් නොවුනත් පෙර නොවූ විරූ ලෙස ක්‍රමවත් සැලස්මකින් ලෝක පාලනය සඳහා සුපිරි බලවේග වල සටනක් ඇතිවිය.
පෘතුගාලය, ස්පාඥ්ඥය වැනි රටවල් මාරුවකින් පසු බ්‍රිතාන්යය ලෝක පාලකයා බවට පත්වීම ඉතිහාසගතවන්නකි. මන්දයත් අනාගත ලෝකයට ඇතිවෙන්නට තිබූ බරපතල අර්බුද රැසක ආරම්භය එය වන බැවිනි. මූලික වශයෙන්ම බටහිර ජාතීන්ට ලෝකය තමන්ට හැකි ආකාරයට පාවිච්චි කරන්නට, ලෝකය අල්ලාගන්නට උදව්වූ කාරණයක් තිබින. ඒ දෙවියන් මිනිසා සඳහාම මේ ලෝකය මැව්වා යන්නයි. ආගමික විශ්වාසයක් ලෙස මුල් බැසගත් මෙහි ලෝකය මැවීම කෙසේ වුවත් එය මිනිසාගේ පරිහරණයට තිබෙන භාන්ඩයක් ලෙස හැඳින්වීම ඉතා සාවද්යයි.
තන්හාවෙන් වියරු වැටී මේ බටහිර ජාතීහු ලෝකය පුරා තමන්ගේ අණසක පතුරුවමින් අන් ජාතීන් හා සංස්කෘතීන් විනාශ කරමින් බටහිර කොලනි නිර්මාණය කලහ. ස්පාඥ්ඥය,පෘතුගාලය දකුණු ඇමරිකාව තම භාරයට ගත් අතර බ්‍රිතාන්යය විසින් ආසියාව හා අප්‍රිකාවේ කොටසක් තමන් සන්තකයට ගෙන හිරු නොබසින අධිරාජය තැනූහ. ආයුධ බලයෙන් මෙන්ම රාජ්ය තාන්ත්‍රික උපක්‍රම මාර්ගයෙන්ද තමන් අධිරාජ්යය විශාල කරගැනීමට මෙම අධිරාජ්යවාදීහු ක්‍රියාකලහ.
විසිවස සියවස ආරම්භයෙදී ලෝකය බටහිර ජාතින්ට නතුවී තිබුණි. දෙවන ලෝක යුද්ධය හමාරවීමත් සමග අධිරාජ්යවාදීන් සතුව තිබුණු රටවල් රාශියක් නිදහස ලබාගත්තත් එය දේශ්පාලන වශයෙන් රට පාලනය කිරිමේ නිදහස පමණකි. ආර්ථික හා සාමාජීය නිදහස යටත්වීජිත වලට හිමිවී නැත. අදටත් බටහිට අඳුරු සෙවනැලි වලින් ගැලවීමක් ඔවුනට නැත.
බටහිර බලවතුන් මෑත යුගයේද ක්‍රියා කරන්නේ තමන් යටත් විජිත හිමිකරුවන් ලෙසය. ලෝකේ සුපිරි බලවතා වන ඇමරිකාව ඉතාම නිහීන ආකාරයට ලෝකයේ ඇමරිකානු විරෝධය තඹ සතේකට මායිම් නොකරමින් තම හිතූමනාපයට ලෝකය පාලනය කරයි. අපේ භාෂාවෙන් කියනවානම් "චන්ඩි පාට්" දමයි. තමන්ට අවනත නොවන රටවල් ආන්ඩු මට්ටු කරයි. යුධමය වශ්යෙන් නේටෝ සංවිධානය හරහාද ඔත්තු සේවා මගින් කුමන්ත්‍රණ කිරීමෙන්ද බටහිර විරෝධී නායකයන් ඉවත් කරති.
ප්‍රබල නායකයින් ඒකාධිපතියන් ලෙස හංවඩු ගසමින් අභ්යන්තර කැරලි ඇතිකරමින් ඔවුන්ගේ පාලන තන්ත්‍ර පෙරලා දැමීම බටහිර අධිරාජ්යවාදීන්ගේ නවතම උපක්‍රමයයි. කොක්කෙන් බැරි දේ කෙක්කෙන් වුවත් කිරීමට දක්ශ බටහිර රටවල් මීට සියවස් දෙක තුනකට පෙර නටපු නාඩගමම වෙනස් රඟමඩලක නටයි.
ඉරාකයට, රීජිප්තුවට, ලිබියාවට මෙන්ම අනාගතයේ සිරියාවට හා ඉරානයටද අතපොවන්නේ තෙල් වලට ඇති කෑදරකම නිසා මිස වෙන කුමකටද ? තම යටත්විජිත බටහිර මුතුන්මිත්තන් කල කාර්යය බටහිර ජාතීන් නූතනගේ වෙනස් ආකාරයෙන් සිදුකරති. අතීතයේ රත්තරන් සොයා දකුණු ඇමරිකාව විනාශ කල බටහිර ජාතීහු නූතනයේ කලු-රත්තන් සොයා මැදපෙරදිග යකා නටති.
බටහිර රටවල් වල නව යටත්විජිතවාදය පැරදවීමට නම් බටහිර කෙනෙහිලිකම් වලට ලක්වන රටවල් අතර දැඩි සම්බන්ධතාවයක් ඇතිකරගතයුතු වේ. නේටෝ සංවිධානය වැනි අරක්ශක සංවිධානයක් ඇතිකරගැනීම කෙරෙහි දැඩි අවධානයක් යොමුකරන අතරම ආර්ථික අතින් ශක්තිමත්වීම අවශ්යයි.
බටහිර රටවල් තමන් අන් රටවල් කෙරෙහි බලය පතුරන "ගනං කාරයෙකු" (Bully) සේ කටයුතු කරන නිසා ඔවුන්ගේ ගනන් බැස්සවීමට සියලු පීඩිතයන් එකතු වියයුතුවේ. බටහිර රටවල් අතින් සූරාකෑමට ලක්වන රටවල් නිහඬව සිටින වාරයක් පාසාම බටහිර රටවල් ඔවුන්ගේ පීඩනය දැඩිකරනු ලබයි. බටහිරට අවනත කරගැනීමට විවිධ කූට උපක්‍රමද යොදයි. අද එවන් රටවලට අවශ්යව ඇත්තේ නිවැරදි නායකත්වයකි. තමන්ගේ රටේ ජනයා තමන්ට අවනතව තබාගන්නවා වාගේම ක්‍රියාවෙන් නිවැරදිවීමත් එඩිතර වීමත් එවන් නායකයකුගේ ගුනාංග වේ. මෙහිදී ඒකාධිපතියෙක් වීම අදහස් නොකෙරේ බටහිරට අභියෝගයක් කරන්නට හැකි සියලුම නායකයින් පාහේ ඒකාධිපති ලක්ශන පෙන්වීම නිසා බටහිරට එවැන් නායකයන්ගේ තර්ජන අවසන් කිරීමට පහසු වේ.
බටහිර රටවල කෙනෙහිලිකම් වලට මුහුනදීමේදී පාලනය කරන පුද්ගලයා වැදගත් නොවන, පාලනය ක්‍රමය පමනක් වැදගත් වන පද්ධතියක් සැකසීම අත්යාවශ්යය
තමා ගැන නොසිතා, තම රටේ අනාගත පරපුර ගැන සිතා නූතන බටහිර වහලුන් වෙනවාද නැතහොත් නිදහස් ලොවක නිදහස් මිනිසුන් වෙනවාද යන්න අද දිනයේ අප සැම තීරණය කල යුතු වේ.
මම අවුරුදු තිහක් වයසට යනකන් අපේ ලංකාවේ හරිම නිදහසේ ඔයා කියන ඔය නිදහස් සුවය විඳිමින් හිටියා පොලිස් කාරයො හරි ආදරෙන් කතා කරා බස් කොන්දොස්තර මාර ආදරෙන් බස් එකේදි කතා කලේ, හැමෝම මිනිස්සු හරි පිලිවලට පොලිමේ ගිහිල්ල තමයි වැඩකටයුතු කරගත්තේ, දේශපාලකයො කියල වැඩක් නෑ මොන තරම් අපේ නිදහස රැක දුන්නද..කරුමෙට පහුගිය අවුරුදු දහය බටහිර රටක ඉන්න උනා...මේ රටවල් මාර අප්සෙට් කිසි නිදහසක් නෑ මල්ලි පොලිස් කාරයො කට අරින්නේ කුනු හරුප කියලා ඒකටත් එක්ක මිනිස්සු පෝලිමක ගිහින් වැඩක් කරන්න දන්නේම නෑ පොරකනවා මුන් අපේ රටවල් අල්ලගෙන හොඳට තියන අපේ රටවලුත් මුන්ගේ වගේ කරොත් අපි ඉවරයි මල්ලියේ උඹලා මේ වගේ වටින බ්ලොග් ලියල කොහොම හරි අපේ සුන්දර රට රැක ගනින් උඹල කරන මේ වැඩේ නිසා උඹලට ගොඩක් පින්
ReplyDelete