ඵලදායිතාවය ඉහල නංවා ගැනීමට උපක්රමයක්

ඵලදායිතාවය කියන එක අද ගොඩක් දෙනෙක් භාවිත කරන දෙයක්. ඒකේ තේරුම ගොඩක් දෙනෙක් දන්නේ නැති වුනාට එය අපේ ජීවිතයට ඉතා අවශ්යයි. ඵලදායිතාවය කියන එකේ තේරුම තමන්ට තිබෙන සීමිත සම්පත් වලින් විශාල වැඩකොටසක් කර ගන්න එක. සම්පත් යනුවෙන් හැඳින්වෙන්නේ කාලය, මුදල් ශ්‍රමය වැනි දේවල්. මේ ලිපියෙන් මම කාලය නිසිලෙස පාවිච්චි කරන එක තුලින් තමන්ගේ ඵලදායිතාවය වැඩිකරගන්න එක ගැන විස්තර කරනවා

කාලය ඉතාම වටිනා සම්පතක්. එය ඉතා වේගයෙන් අවසන් වෙනවා. සාමාන්යයෙන් මිනිසෙක්ගේ ආයුකාලය අවුරුදු 70 පමන වෙනවා. ඒ වගේ සීමිත කාලයක් තමයි කෙනෙක්ට තමන්ගේ ජීවිතය ගොඩනගා ගන්න ඉතුරු වෙලා තියෙන්නේ. එම කාලයෙනුත් වැඩි කොටසක් මහලු වයස හා ලමා කාලයට ගෙවුනාම කෙනෙක්ට දියුනුව සාදා ගැනීමට තිබෙන කාලය ඉතා සීමිතයි

පුද්ගලයෙක් කාර්යාලයේ දී වුනත් ගෙදරකදී වුනත් යම් කිසි වැඩක් කරනවිට සත්ය වශයෙන්ම එම කාර්යයටම නියැලෙන්නේ මුලු කාලයෙන් සුලු ප්‍රතිශතයක්. උදාහරණයක් වශයෙන් ගත්තොත් ශිෂ්යයෙක් තමන්ගේ විභාගයට අවශ්ය යම් පොතක් කියවා එහි තියෙන වැදගත් කරුණු සටහන් කරගන්නවා කියා හිතන්න. කියවීමට හා කරුනු සටහන් කර ගැනීමට එම වැඩය සඳහා ගතවෙච්ච කාලයෙන් කොපමණ ප්‍රතිශතයක් වැයවුනාද කියා සොයන්න. නියත වශයෙන්ම තමන්ට යම් වැඩක යෙදෙන කාලය එයට  වෙන්කර තිබෙන කාලයට වඩා තරමක් අඩුයි. අපි කාලය ගතවීම ගැන සිතුවේ නැති වුනත් විශාල කාලයක් වෙනත් දේවල් වලට ගතවෙලා තියෙනවා. මේකට මූලික හේතුව වෙන්නේ කාලය ගතවීම හා තමන්ට තිබෙන කාලය පිලිබඳ හැඟීමක් කාර්යය කරන පුද්ගලයාගේ මනසේ නොමැතිවීමයි.

කෙනක් තමන්ට නියමිත වැඩ නියමාකරයෙන් ලයිස්තු ගතකලා කියා හිතන්න එම පුද්ගලයා ඒවාට ගතවන කල්වේලා පවා සටහන් කරගෙන සිටිනවා. නමුත් ඒ කාර්යය කරද්දී එයට ගතවන කාලය පිලිබඳ දැනීමක් එම පුද්ගලයාට ඇත්තේ නෑ. සරල විදිහට කිව්වොත් කාර්යයට නියමිතව තිබෙන කාල පරාසය පාලනය කරගැනීමට හැකියාවක් නෑ. තමන්ගේ වැඩ අපිළිවෙළට සකස් කරගෙන වැඩ සියල්ල අනාගන්නා කෙනෙක්ට වඩා ඉහත විස්තර කරපු පුද්ගලයා සංවිධනාතමකව සිටිනවා වුනත් ඔහුටත් වැඩ නිමකිරීම පිළිබඳ ගැටලු රාශියකට මුහුන දෙන්න වෙනවා.

මේ සියලු දේට මූලික හේතුව වෙන්නේ අපි මනසේ කාලය ගැන සිතාගෙන ඉන්නා ආකාරයයි. උදාහරණයකට පැයක් ගතවෙන යම් වැඩක නියැලෙන කොට එයින් විනාඩ් 40ක් ගතවුනාට පසු  අපි වැඩය කිරීමට ගතවූ විනාඩි 40 ගැන පමණක් මනසේ සටහනක් තබා ගන්න පුරුදු වෙලා සිටිනවා. එසේ නැතිව එම වැඩය නිමකිරීමට තව කොතරම් කාලයක් ඉතිරි වී තිබෙනවාද කියා අප කවදාවක් සිතනවද? විනාඩි 40ක් ගතවූ පසුව තවත් ඉතිරි වී ඇති විනාඩි 20 හා එහි අඩුවීම ගැන මනසේ සටහන් වෙනවාද ?

ඉතිරි වී ඇති කාලය ගැන අපි යම් යම් අවස්ථාවලදී සටහන් කරනවා. ඒ කෙසේ වෙතත් කාලය ගත්වීම හෝ අවසන් වීම ගැන සෑම විටම අපේ දැනීමක් නෑ. උදාහරණයකට තව පැය 24 කින් අවසන් කලයුතු වැඩක පැය ගනන අවසන් වීම පිලිබඳ අපි විමසිලිමත් ද ?. නැත මන්දයත් අපි කාලය ගනන් කරන්නේ ආරෝහණ ආකාරයෙන් මිස අවරෝහණ ආකාරයෙන් (countdown) නොවන නිසාය.

අවරෝහණ ගනනයෙන් (counting down)තමන්ට කාලය අවසන්වීම පිළිබඳ මනා හැඟීමක් දැනෙනවා. ඒ වගේම යම් කිසි වැඩක් අවසන් කිරීම පිලිබඳ යම් ආතතියක්ද හිත තුල ඇතිවෙනවා. සාමාන්යයෙක් මධ්යම ප්‍රමාණයට ආතතිය තමන්ගේ හිත තුල තිබෙන එක ධනාත්මකව කෙනෙක් තුල බලපානවා. ඒ වගේම. අනවශ්ය වැඩ නවත්වා තමන් කරන කාර්යය කෙරෙහි මනා සිහිය පවත්වා ගැනීමටත් මෙයින් ඉඩ සැලසෙනවා.

කාලයේ අවරෝහණ ගනන් කිරීම තමන්ගේ සාමන්ය වැඩකටයුතු වලට යොදාගන්න අවශ්ය වන්නේ ඉතා සුලු සම්පත් ප්‍රමාණයක්. මූලිකවම මේ සඳහා countdown clock එකක් අවශ්ය වෙනවා. යම් කාර්යයක් සඳහා අවශ්යවන කාලය නියමාකරයෙන් ඇස්තමෙන්තු කරගත්තාට පසු තමන් වැඩයෙ නියැලෙද්දී තමන්ට නියමිත කාලය අවසන් වීම පිලිබඳ එකෙන් දැනගැනීමට සැලැස්සෙන ආකාරයට ක්‍රියා කරන්න. තමන්ගේ කාර්යය ඉතාමත් විශාල වුනත් වැඩි කාලයක් ඇස්තමෙන්තු කලත් එකේ මිලි තත්පර වල පවා වෙනසක් ඇතිවන ලෙස සකස් කරන්න. සරලව පැහැදිළි කලොත් කාලය අවසන් වීම තමන්ට දැනෙන්නට සකස් කිරීම අවශ්ය වෙනවා..

මෙම ක්‍රමය ඉතා සරල දෙයක්. නමුත් මානසික වශෙයෙක් කෙනෙකුට විශාල ධනාත්මක බලපෑමක් මේකෙන් ඇතිවෙන්න පුලුවන්. අප දන්නා ආකාරයට ක්‍රීඩාවල පමණක් නොව ඉතා විශල වපසරියට රැකියාවලට හා කාර්යයන් නිමකිරීමට මේ සරල ක්‍රමය යොදගන්න පුලුවන්. රියදුරෙකුට තමන්ගේ ගමනාන්තයට ලඟාවීමට නියමිත කාලයේ වෙනස්වීම පිලිබඳ මේ ක්‍රමයෙක් දැනගන්න පුලුවන්. එවිට නියමිත කාලයට ගමනාන්තයට ලඟාවීමට එය විශාල උදව්වක්. ඉදිකිරීම් ක්ශේත්‍රයට, අධ්යාපනයට ආදී අංශ රැසකටම මේ ක්‍රමය යොදාගන්න පුලුවන්.

ඉතාම සරල අදහසකට ලොකු වෙනසක් කරන්න පුලුවන්. මේ ක්‍රමය පාවිච්චි කරලා කාලය නියමාකාරයෙන් යොදාගෙන ඵලදායිතාවය වැඩිකරගත් අය ගොඩක් දෙනක් ඉන්නවා. ඔබත් මේ අවරෝහණ කාල ගනනය (counting down) යොදාගෙන බලන්න. සමහර විට ඔබගේ ජීවිතය වෙනස් කිරීමට මෙය හේතුවෙයි.